Soya Nahi Hoon Aa K Sula Do Meri MAA

soya nahi hoon mujhe sula do meri maan
aa jaao mujhe loori suna do meri maan

ashk meri aankhoon main jam say gaye hain
kerkay dil pay jaber mujhe rula do meri maan

dekho kitni bay tarteeb ho gaye hay zindagi
bikhray hain meray baal bana do meri maan

aik karb say aashna rehta hoon her ghadi
is dard ka ahsaas mitta do meri maan

jal reha hoon main andekhi aag main
chomo mera mattha aag bujha do meri maan

bohat darr lagta hay mujhe duniya say
tum mujhe duniya say chhupa do meri maan

thak gaya hoon bohat duniya say ladtay ladtay
tum mujhe apni aaghosh main panah do meri maan...!!